လမ်းတွေက စေးကပ်လွန်းတဲ့အခါ

အခန်းထဲတွင် စာကြည့်မီးအိမ်၏ အလင်းရောင် နှင့် ခပ်ပြင်းပြင်း တေးသွားတစ်ပုဒ် ၏ ကပေါက်တိကပေါက်ချာ သံစဉ်များမှ လွဲပြီး ဘာကိုမှ ရှိနေသည်ဟုမထင်ရ....။
အခန်းလေးကမကျဉ်းလွန်း မကျယ်လွန်းသော အခန်းတစ်ခု ဖြစ်သည်...။ အခန်းထဲတွင် သေတ္တာတစ်လုံး စားပွဲတစ်လုံး ကုလားထိုင်တစ်လုံး နှင့် ကုတင်တစ်လုံး ရှိသည်...။ သေတ္တာမှာ အသုံးမပြုသည်မှာကြာပြီဖြစ်သောကြောင့် ဖုန်တတ်နေသည်မှာ မူလအရောင်တောင် မြုပ်ကွယ်နေသည်...။ စားပွဲပေါ်တွင် စာအုပ်တချို့ အစီအစဉ်မကျစွာ ပြန့်ကျဲနေသည်...။ နောက် Hair Gel တစ်ဘူး... ကွဲနေသော မှန်တစ်ချပ် ချေး(ဂျီး) အလိမ်းလိမ်းကပ်နေသော ဘီးတစ်ချောင်း ကပါစားပွဲပေါ်တွင် နေရာယူထားသည်...။ ကုလားထိုင်မှာလည်း ထိုင်သူမဲ့ ....။ ကုလားထိုင်ပေါ်တွင် အနေကြာသည်က မလျှော်မဖွတ်ရသေးသည့် အ၀တ်တချို့...။ ကုတင်ပေါ်တွင်တော့ ညစ်ထေးထေး ခေါင်းအုံးတစ်လုံး.... ဂွမ်းစောင်တစ်ထည် နှင့် စာအုပ်တချို့ နေရာယူထားသည်...။ ထို့ပြင် အ၀တ်အစား တချို့ကိုလဲတင်ထားသည်...။ နောက် ကျောက်ရုပ်နှင့်မခြား ငြိမ်သက်လျက်ရှိသော လူတစ်ယောက်လဲရှိ နေသေးသည်...။ စာကြည့်မီးအိမ်၏ အလင်းရောင်ဖြင့် သူ၏ မှိန်ပျသောမျက်ဝန်းအစုံ ကိုမြင်နေရသည်...။ သူ၏ပုံသဏ္ဍန်မှာ ဆံပင်ရှည်ရှည် ညှင်းသိုးသိုးနှင့် မျက်နှာတွင်လဲ မရိတ်သင်သည်မှာ ကြာပြီဖြစ်သော    နှုတ်ခမ်းမွေးများနှင့်မုတ်ဆိတ်မွေးများက     ချောင်ကျနေသော သူ့မျက်နှာကို ပင်ကိုယ်ရုပ်ပင်ဖမ်းမရအောင် ဖျက်ဆီးလျက်ရှိနေသည်...။ သူအတန်ကြာအောင် ငြိမ်နေရင်းမှ လှုပ်ရှားမှုတချို့ပြုလာသည်...။ လက်များကသီချင်းဖွင့်ထားသော MP 4 ထံသို့ရွေ့သွားသည်...။ ထို့နောက် အခန်းတွင်းမှသီချင်းသံသည်လဲ   ပြတင်းပေါက်မှဖြတ်တိုက်လာသော   လေပြေတချို့နှင့်အတူ   ပျောက်ကွယ်သွားသည်...။ သူသည်ဘာမှမရှိသော မျက်နှာကျက်အား အဓိပ္ပါယ်မဲ့စွာ စူးစိုက်ကြည့်နေသည်...။ နောက် သူ၏မျက်ဝန်းတွင်မျက်ရည်များ စုလာဟန်တူသည်...။ မီးအိမ်၏အလင်းရောင်ဖြင့် သူ၏မျက်ဝန်းထဲတွင် အရောင်လဲ့လျက် ရှိနေသည်..။ သူ့နှုတ်မှလဲတရွရွနှင့် တစ်စုံတစ်ခုအားရေရွတ်နေဟန်တူသည်...။ မပီသပေ...။ သူရေရွတ်နေသည်က 'လောကကြီးက. . ..@ @ @ @ @!!!!! !#######...' တိမ်သွားလိုက် ပြန်ပေါ်လာလိုက်နှင့် မသဲမကွဲရေရွတ်နေသည်...။ နောက်အိပ်ရာပေါ်မှထပြီး သူကော်ဖီတစ်ခွက်ကိုဖျော်ရန်ပြင်လိုက်သည်...။ နောက်မှ သူ့တွင်ကော်ဖီမှုန့်မရှိသလို ရေနွေးလဲမရှိသည်ကို သတိရသွားဟန်တူသည်..။ စိတ်ပျက်လက်ပျက်ဖြင့် ကုလားထိုင်ပေါ်မှ အ၀တ်တချို့ကို ထိုင်လို့ရရုံ ဖယ်လိုက်ပြီး ဆွေးဆွေးမြေ့မြေ့ ထိုင်နေလိုက်သည်....။ သူထိုင်နေရင်းမှ ဗိုက်ဆာလာသလိုဖြစ်လာသည်...။ သို့သော် သူ့မှာစားစရာနှင့် တူသည်အရာဆိုလို့ ပေါင်မုန့်ခြောက်တစ်ချပ်ပင် မရှိပေ....။ အဆုံးစွန်ထိပြောရလျှင် ရေသောက်ပြီး ဗိုက်မှောက်ရန်ပင်ရေမရှိကြောင်း သူ၏ ခြောက်ကပ်သောနှုတ်ခမ်း အစုံက သက်သေပြနေသည်........။

(၁) အရိပ်ရှည်သလောက်
ငါ့အစာအိမ်ကစိတ်မရှည်ဘူး.......
ငါ့မျက်နှာကိုကြည့်စမ်း.....
မျက်လုံးဟောက်ပက်ပျံသန်းလို့....
ဆံပင်ပုံစံကယောက်ယက်ခတ်လို့....ဒီမှာ....
(၂) ဒီမှာ...........
လမ်းကြုံရင် ပြောပေးခဲ့ပါ....
အိုးနဲ့အိမ်နဲ့ သူဖုန်းစားက
တောင်းမစားဘူးလို့.....
မာနတွေကိုတဂျွတ်ဂျွတ်ဝါးလို့..... ဒီမှာ.....
(၃) ဒီမှာ.....မေတ္တာဆိုတာ
တန်ခိုးရှိတိုင်းဖြစ်မလာတဲ့
တြိဂံနဲ့တူလေရဲ့.............။
(၄) လောကရဲ့တြိဂံတွေ
သုံးနားညီလာတဲ့နေ့.....
ငါတို့ကိုယ့်ကိုယ်ကို
ပြာနဲ့ဖုံးလို့ လက်လျော့လိုက်ကြရလေရဲ့.....
(၅) လမ်းလျှောက်တယ်......
လမ်းပျောက်တယ်.......
ဆက်လျှောက်တယ်.....
ထပ်ပျေက်တယ်.......
ရှေ့ကိုကြည့်တယ်.....
ရှေ့ကိုမြင်တယ်......
ဒါပေမယ့်ငါ.............တော်ပြီ......။
(၆) ပညာရှိလုပ်ဖို့ စိတ်မပါတဲ့နေ့
ဘုရင်လုပ်ဖို့ စိတ်မပါတဲ့နေ့...
စာကလေးတစ်ကောင် နဲ့ ဘာမှမထူးတဲ့နေ့.....
ငါဟာဘယ်ကြယ်ကနေလာတာလဲ.....
ရာဘာပင်လို ခြစ်ယူလို့ရရင်
ငါ့ဝိညာဉ်ဟာ အပြစ်တွေနဲ့ စေးပျစ်နေရောပေါ့....။
(၇) ဟုတ်ပါပေ့..... ကိုယ့်လူရာ....
လမ်းတွေကစေးကပ်လွန်းတဲ့အခါ....
ဘ၀ကိုလက်ပြလိုက်ကြရအောင်......။

စာကြွင်း........ (၁) (၃) (၆)--------- ခိုင်မြဲကျော်စွာ၏အေးအေးဆေးဆေးလမ်းမှ
(၂) (၄) (၅) (၇)----------လေတံခွန်၏ ကိုယ်ပိုင်....။

{လေတံခွန်}

Author : Mg ThukhA ~ ရေးသားသည်

Label လမ်းတွေက စေးကပ်လွန်းတဲ့အခါ Written By Mg ThukhA At Saturday, September 29, 2012 Comment 0Comment : Title လမ်းတွေက စေးကပ်လွန်းတဲ့အခါ